حبايبى شباب هاكونا ماتاتا
عاملين ايه يارب تكونوا بخير دايما يارب
معلش انا اسف انا بقالى فتره كده منزلتش موضوع ومكتفى بالردود
لان مكنش فى موضوع معين ومهم عشان اكتبه المهم ندخل فى الموضوع على طول
عشان ما اطولش عليكم
هى معامله الرجل لمراته فى كل الاماكن وفى كل الظروف اللى ممكن تمر علينا
فى الفلاحين مثلا والبيئه اللى هما عايش فيها الرجل كلمته بتمشى بس مش فى كل الاوقات بس هى اللى بتمشى
والمراه مخلوقه عندهم للطاعه بس يعنى اللى يتقالها عليه يمشى ده مثلا لو انتقلنا للمدن
المفروض بيكون فى تحضر فى المعامله على اساس ان كل الستات اللى فى المدينه متعلمين بس احنا عندنا
معظم الستات اخرهم تعليم الثانوى الفنى ده المعظم
بس المشكله اللى احنا عاوزين نتناقش فيها ليه الستات فى بلاد الفلاحين مش واخدين حقهم فى التعليم
حتى فى الجواز ممنوع تقول لابوها لاء الا طبعا اللى ابوها راجل متعلم وفاهم الدنيا
انا مثلا كراجل متعلم مش اى واحده هتجوزها واللى هتجوزها هتتعامل احسن معامله بس دى فروق شخصيه
لكن انت الوقتى لو زعلت مراتك هتعمل ايه هل ممكن تضربها هل ممكن تطردها من البيت انا اعرف ناس كتير كده
هل ممكن تطلقها هل ممكن تحدفها من شباك البيت كل ده بيحصل انا كنت بتناقش امبارح انا واصحابى فى الموضوع ده
وشفت ارارء كتير جدا فى الموضوع ده منها مثلا بسال واحد صاحبى انت هتعامل مراتك ازاى لو زعلتك فى يوم من الايام
قالى هقوم واخدها وموديها بيت اهلها عشات تهدى وانا اهدى وهى لما تتظبط هتيجى وده اسلوب كويس
وسالت واحد تانى وقولتله لو مراتك زعلتك تعمل معاها ايه قالى هعمل ايه يعنى وهى تضايقنى ليه
هقوم رافع ايدى ومديها يدين فى عنيها مورمهالها وبعد كده مش هترفع عينها معايا ولا هتزعلنى بعد كده
وده تفكير برده انا بقول الفروق الفرديه عشان كده بس انا من وجهه نظرى انك لو ضربت مراتك خلاص
يبقى كل حاجه انتهت يبقى حتى حبه الاحترام اللى بينكم راحم هى لازم تفضل خايفه منك
احترام منها مش عشان خايفه لتضربها هى د ى المشكله ياجماعه الرسول قالك كده سيدنا محمد
لما كان بيضرب زوجاته كان بيضربهم بالسواك عشان ميتالموش اى نعم احنا مش فى زمن الرسول
بس لازم نقتضى بيه فى كل حاجه انا والله ياجماعه اعرف واحد مراته عملت حاجه كده مش ولا بد
يادوب هى بصه واحده بصلها بصه واحده اغمى عليها وطلعوا يجروا بيها على المستشفى
ياترى ده بقى بسبب انه خايف يضربها ولا هى حاسه انها عملت حاجه غلط وخايفه يقولها انها عملت حاجه غلط
مع العلم انهم بيحبوا بعض جدا وعمره هو مضربها ولا فكر فى كده بس هو ده الحب حب الاحترام ولا ايه رايكم
فى النهايه احب اسال الناس اللى مخطوبين هتعاملوا ازواجكم ازاى وايه درجه الحريه اللى ممكن تديهالها وهل مثلا ممكن نكون
ناس متحضره اننا ممكن كده زى الناس العاقله الفاهمه نعمل يوم كل اسبوع كده حتى لو كان خميس
ناخدهم نخرجهم فيه حتى لو عزومه على العشاء بره بجد الموضوع ده شاغلنى جدا ونفسى اعرف رايكم فيه
وفى النهايه تقبلوا احترامى وتقديرى
