تخاريف عمرو . . . الجزء السابع عشر

سؤال دايما بسأله لنفسى

هـمـا بيخـلفونـا ليه .؟!

شوفوا بقى الكلام اللى ينرفز

ده أنا أبوك

دهأنا اللي خلفتك

ده أنا شغال في ساقية علشان تعيش

دهأنا أمك

دهأنا اللي طلع عيني في حملك وتربيتك

بعد ما أبوك رماك ليا وهرب مع السكورتيرة

إنت فاشل ليه يابني

يعني إيه تطلع ال 17 على الفصل؟

ده أنا طول عمري الأول على الفصل

يابني حس على دمك وذاكر

القصص اللي ملهاش معنى دي كلها

الأسلوب ده فيا لإستنزاف العاطفي

هل هو طريقة صحيحة للحب وطلب المحبة من فلذات الأكباد؟

ليه أهالينا مش بيخلونا نحبهم لله في الله

ليه لازم يذلو انفاسنا بجمايلهم اللي هي دين في رقابينا ؟

أولا مفيش أب خلف عياله حبا فيهم

ولاحبا في الوطن

ولا بصفتها مهمة قومية كلنا عارفين هو خلفهم في لحظة شكلها إيه

هيحلال بس مكنتش واجب قومي ولا تضحية خالص

كل ست خلفت ولادها علشان ربنا خالقها بعاطفة أمومة أصيلة فيتكوينها

مخلفتهمش حتى حب في أبوهم

هي كانت بتحلم بيهم من الطفولة

من وهي شايلة عروسة صغيرة بتلاعبها وتأكلها وتلبسها

ليه لازم يعيـشونا باستنزاف لمشاعر الشكر عندنـا ليه ميخلوناش نحبهم عشان احنا بنحبهم

نطيعهم في سن الطفولة والطاعة

ونتمــردفي سن الشباب والتمرد

ونـنـاقشـهم بمنطقية وحب في سن النضوج

و نحضنـهم لما نخـلف وندووق طعم الضنا وغلاوته

أنا شايف أن الإستنزاف العاطفي بين الآباء والأبناء

هوصناعة بلهاء قديمة يا ريت نبطلها ثانيا ليه معندناش ثقافة حب عيالك صح

لومكانش والدينا هما اللي هيدونا ثقه في نفسنا .. امال مستنين مين يدهالنـا؟؟

هوكلمة أنا بحبك صعبة؟

هيكلمة أنا فخور جدا بيك ها تخليه طائر أوز منفوخ؟

أنا مش بقول يكذبو علينـا

أو ينسبو لينا صفات مش موجوده فينا

بس مؤكد لكل أب أو أمإبنك فيه صفة واحدة على أقل تقدير تستحق الفخر والتقدير

الكلمة مش هتخليه مجرم حرب ولا حرامي حلة ولا فاشل

همليه مش بيقولوا لأبناءهم

أنا بحبك

أنا فخور بيك

دي لها فعل السحر

كل من حُرم من حنان زائد يعوضه بشكل أساسي في أبناءه

هو معقول ناخد جمل محفوظة ونطبقها بلا وعي؟

إلى كل من كان أبوه قاسي في معاملته

جاف في إظهار مشاعره معاه

لميحترم كلماته ولا يأخذ رأيه بعين التقدير والإحترام

لمتحتضنه أمه سواء للإنشغال أو لمفهوم الدلع اللي يخسر

لما تبقى أب

لما تبقي أم

عيب قوي قوي

أن تجعل أبناءك يعانون منها

بدعوى سعيد صالح في مسرحية العيال كبرت

والله لأخلف عيال وأمنع عنهم المصروف

أنا بحبك
أنا فخور بيك

كلمتين يحيوا موات القلوب

ويشحذوا الهمم

ويطلعوا العيل يعرف يقاوم إنكسار النفس

أمام العاهات البشرية اللي هايعاشرها على مدى عمره الطويل

كلامك منطقى وعقلانى جدا يا عمرو

وفيه نماذج كتير جدا اعرفها بتتعامل من آباءها وأمهاتها بالاسلوب ده

وده فى رأيى بسبب الفجوة بين الأجيال

الأجيال مش فاهمين بعض..مش قادرين يتأقلموا مع ظروف وتفكير بعض

والنماذج دى بتلاقى الخناقات بينهم ياااااااااما

وممكن توصل لحالة الضرب

الطرفين غلطانين

لأن الآباء والأمهات محاولوش يعرفوا تركيبة اولادهم

ولأن الاولاد محاولوش يقربوا من والديهم

حل المشكلة دى فى رأيى هو الوحدة والقوة والترابط

مستنية رأيك على كلامى

وميرسى بجد على التوبيك

وخسارة تسميه تخاريف

كلامك مظبوط رماد

قلة الوعى والتنمية البشرية

عملت فجوة كبيرة حتى بين الناس وبعضها

كل واحد بيقول انا كدا ودا طبعى ومش هغيره

كل واحد عاوز ابنه يطلع زيه فى كل حاجة

طيب افرض انتا عندك عيوب الدنيا

ليه ابنك يطلع زيك بالعكس الانسان بيحب ان ابنه دايما يبقى احسن منه

فى التعليم وفى التعامل مع الناس وفى كل شىء

انا عن نفسى هصلح اخطائى فى زريتى ان شاء الله

احنا محتاجين وعى سياسة التعامل مع الناس وفى البيت وكل حاجة

ربنا يستر عالاجيال اللى جاية والله

اما بالنسبة للمسمى تخاريف

فأنا سميته كدا عشان كلامى مش هيعجب كل الناس

واكيد اوقات مش ببقى على صواب

كل حد وليه وجهة نظر بس انا سميتها كدا

عشان لو فى ناقد لكلامى يعتبرنى بخرف

لأنك لو ركزتى فى الواقع هتلاقى ان دا فى نظر ناس تانية عادى جدا

يبقى انا بخرف ولا لأ ؟؟

شكرا رماد على مرورك وتفاعلك مع تخاريفى

نورتى التوبيك واتمنى تواصلك الدائم

والله عندك حق..فيه فعلا ناس ممكن تقول كده

بس المهم انت بتقول ايه

وميرسى على ردك

العفو رماد

تخاريفة جميلة ومميزة مثل عادتك

ولكن سبب ذلك بالتاكيد هو الخطاء فى التنشئة الاجتماعية وتربية الاطفال وجهل الاباء والامهات

باساليب التنشئة والتربية

تسلم يدك عمرو اسلوب متحضر وواقعى ومتميز

فى انتظار المزيد من ابداعاتك

صح لسانك ليمو

منورة تخاريفة كعادتك

بردودك الجميلة

شكرا ايلك واتمنى تواصلك الدائم تخاريف عمرو . . . الجزء السابع عشر 2666304918

تسلم عمرو لذوئك

جمال تخريفتك بيجبر اى حدا انة يمرء ويرد عليها

لانها تمتاز بالتميز الدائم

» تخاريف عمرو . . . الجزء السابع
» تخاريف عمرو . . . الجزء السادس عشر
» تخاريف عمرو . . . الجزء الثامن
» تخاريف عمرو . . . الجزء الثالث عشر
» تخاريف عمرو . . . الجزء الثامن عشر