الفارماكولوجى

الشرح المبسط لمادة الفارماكولوجي

السلام عليكم ورحمة الله وبركاته
كل عام وأنتم بخير جميعا وأتمنى لكم مستقبل باهر في كل مايتعلق بالدراسات الطبية والصيدلانية
أنا أول مرة أشارك في المنتدى وأتمنى يكون موضوع مفيد فعلا
أولا انا مش عايزة اتقل عليكم بس أنا مش حبدأ في الموضوع ده في المشاركة ديه
ديه مجرد مشاركة تعارف لا غير يعني اللي مش عايز يقرأ مش حيخسر حاجة لأن مش حتكلم في الموضوع ده المرة ديه
انا بس عايزة اقول حاجة صغيرة
ان مادة الفارما ديه مادة ممتعة جدا جدا
وبأتمنى اقولها بشكل مبسط
أنا مش مشكلة عندي اني ألاقي مشاركات
لأن حتى لو مفيش مشاركات فأنا بعتبرها مراجعة ليا في المادة الجميلة ديه
بمعني اللي عايز يقرأ من غير مشاركة مفيش مشكلة أنا المهم عندي الاستفادة مش أكتر
المشكلة ان يكون فيه حد بيحط مشاركة من غير مايقرأ عشان يزيد من عدد مشاركاته
فياريت يكون الدخول على الصفحة ديه للأستفادة مش اكتر
وأنا ححاول مكتبش كتير في المرة الواحدة مراعاة للطلبة اللي لسة مدرسوش عشان انا عملت الموضوع ده اصلا عشانهم وعشان يعرفوا مبادئ ممكن تكون صغيرة وهايفة لكن من غيرها مش حيعرفوا يمشوا في الفارما بتفوق
بالرغم من ان انا شخصيا مقدرش اقول اني حجيب امتياز فيها وده لأن انا اصلا كنت بزاكرها حبا فيها لكن مكنتش من النوع الحفيظة اوي ونظرا لطول المنهج فأنا كان اهم حاجة عندي افهم وبس بحيث ميكنش فيه حاجات عندي متضاربة او متضادة
وأتمنى أن يكون الموضوع ده خفيف عليكم ومفيد فعلا خصوصا بالناسبة لطلبة الصيدلة اللي لسة مدرسوهاش
والسلام عليكم ورحمة الله وبركاته

من مواضيع : زغلول 0 ليه كده ؟؟
0 ممكن سؤال للصيادلة الفارماكولوجي المتمكنين
0 الشرح المبسط لمادة الفارماكولوجي
آخر تعديل بواسطة زغلول بتاريخ 14-07-2008 الساعة 09:08 PM .
رد باقتباس
زغلول
عرض ملفه الشخصي
قديم 15-07-2008, 12:12 PM #2
زغلول
عضــــو

صورة رمزية زغلول

زغلول غير متواجد حالياً

افتراضي رد: مبادئ في الفارما لطلاب صيدلة الأسكندرية الذين لم يبلغوا السنة الثالثة

السلام عليكم ورحمة الله وبركاته
ازيكم يا جماعة أخبار الصيف معاكم ايه واخبار الاجازة ايه تكونوا بخير
انا انهاردة لقيت عندي شوية همة اني ابدأ وقلت انزل حاجة خفيفة خاااااااالص بخصوص الموضوع
ومش حتقل عليكم من أولها كده
بس ركزوا معايا وانتم بإذن الله حتحبوا المادة ديه
ولو حد عنده اي استفسار انا في الخدمة
حتى لو حد سأل سؤال أنا معرفوش أكيد وبإذن الله حتصرف وابحث عنه لحد ماعرف اجابته
لأن ديه استفادة ليا زي ماهي استفادة له

نبدأ بقى !!!!!!!!!!!!

الحلقة الأولى
أول حاجة يا جماعة لازم تعرفوها ان علم الفارما هو دراسة لكيفية تعامل مادة ما مع العضو لكي تؤدي وظيفتها
المادة ديه لازم أعرف عنها حاجتين

(Pharmacokinetics) وهي حركية المادة وتتضمن مايحدث للمادة داخل الجسم إلى ان يتخلص منها الجسم

(Pharmacodynamics) وهي ما تفعله المادة في الجسم حيث تؤثر على عضو معين

Pharmacokinetics
It includes Absorbtion ,Distribution ,Metabolism & Excretion

وهذه الأربع عمليات تعتمد على جرعة المادة ومعدل امتصاصها وانتشارها في الجسم ومعدل ارتباط المادة ببروتينات الدم في الجسم

Dose ,rate and extend of absorbtion ,distribution & binding to plasma protein and tissues

ولابد ان المادة عشان تنتشر خلال خلايا الجسم أن تكون لها نسبة ذوبان في الدهون
(lipid soluble)

طب ليه ؟؟؟

لأن غشاء الخلايا نفسه عبارة عن "lipid" وبالتالي لا تمر المادة خلال الغشاء إلا اذا كانت تذوب في الدهون
ولاحظ ..

The ability of substance to cross cell membrane determine the route of administration

بمعنى ان درجة ذوبان المادة في الدهون يحدد طريقة تناول الدواء اذا كان مثلا يؤخذ عن طريق الفم أو بالحقن
أو اذا كان له القدرة على عبور غشاء المخ والذي يسمى"BBB"

Blood Brain Barrier

لأن هذا الغشاء لا يستطيع الدواء ان يعبره إلا اذا كان له درجة ذوبان في الدهون عالية

لذلك نجد ان معظم الأدوية اللي ليها درجة ذوبان في الدهون عالية يكون لها آثار جانبية كثيرة على المخ كالزغللة والشعور بالغثيان والدوخة والدوار والنسيان وعدم التركيز والنوم الكثير

ذلك لأن الدوا الذي يعبر المخ قد يسبب خلل في كيميائية المخ أي خلل في المواد التي تفرز في المخ

وأيضا تؤثر درجة ذوبان الدواء في الدهون على حدوث
"tubular reabsorbtion" للدواء وهي أن يحدث إعادة امتصاص للدواء عن طريق قنوات الكلية فيسبب زيادة تركيز الدواء في الدم

وطبعا الموضوع ده لازم احطه في الاعتبار عشان اعرف الدواء ده حيعاد امتصاص اد ايه منه عشان تركيزه ميزدش في الدم ويوصل لمرحلة الجرعة السامة
"toxic dose"

لاحظ معايا أن ال"urine" بتكون "aquas" يعني أي دواء لازم يتحول من lipid soluble إلى H2O soluble حتى يتم إخراجه من الجسم ... مفهووووم !!!!

كفاية كده المرة ديه عشان متزهقوش وخلينا بالراحة كده وواحدة واحدة

ياريت يا جماعة لو حد قرأ وفهم يقول ولو حد مش فاهم يقول ايه اللي مش فاهمه

أو قولولي تعليقكم على طريقة الشرح

يعني هل الشرح بالعربي مع بسيط من اللغة حلو وللا وحش؟؟؟

عشان برده فيه ناس بتزهق من العربي على أساس انها اتعودت انها تقرأ بالانجليزي

وشكراً

والسلام عليكم ورحمة الله وبركاته