وطلعت مها لخالتها ......
فضلت مستنيها , و الشئ اللي أنا
استغربتلة انها متأخرتش !! فوق و نزلت بس بصراحة حسيت
بأهتمامها ليا , بدليل انها شوف بقالها قد اية مشافتش خالتها ولا بنات
خالتها , بس نزلت علي طول عشان متتأخرش عليا .... شكلي هقولك بحبك يا مها و
اللي يحصل يحصل
... !!
احمد : خلصنا أول حاجة مأخدتش مننا نص ساعة , تاتش وود ^_^
مها : الحمد لله هنروح الوقتي لعمو كمال اللي
قاعد في فندق شيراتون المنتزه عشان هو نازل اسبوعين بس و
مسافر , و المفاجأة بقا انه عازمنا علي الغدا في الفندق .....
احمد : ايوة كده المشوار أحلو فيه غدا و مش أي غدا دا غدا
في الشيراتون , يعني 5 نجوم ^_^ 10 دقايق و نكون هناك .......
وصلنا الفندق و قابلنا الباش
مهندس كمال و دا راجل محترم جداا و متزهقش من كلامه و تحس انه راجل
فاهم الدنيا و ما فيها و قعد يحكلنا عن مواقفة في السفر , و طلع راجل مرح جداا و
في قمة التحضر , و اقنعني ان البلد دي احسن من غيرها و ان انا
اشيل فكرة السفر من دماغي عشان انا كنت قلتلة ان انا ناوي اسافر بعد
الدراسة عشان اشتغل بره
....
المهم قعدنا مع الباش مهندس كمال لحد الساعة 5 و استأذننا
عشان السفر طويل , و مشينا ...
أول ما ركبنا العربية مها قالتلي انها لسة عايزة تشوف
الإسكندرية كمان و مش عايزة تروح الوقتي
احمد : و أنا و الله يا مها مجتش إسكندرية من يجي سنتين
ولا حاجة
مها : ممممم طيب انت رأيك اية؟
احمد : تعالي اعزمك في كافي شوب هنا حلو اوي كنت بحب اقعد
علية لما كنت باجي هنا في الثانوي
مها : ياااة اية الكرم دا كلة , يارب بس ميكونش قفل من 20
سنة وتطلع بتكدب عليا و عمرك اصلا ما جيت إسكندرية .......
احمد : هههههههههه عمري يا مها , اكدب عليكي لية يعني؟ ,
يارب بس المكان يعجبك
مها : يا ترى هاتوديني فين يا عم الخبير؟
روحنا الكافي شوب ( نايس تايم اللي علي الكورنيش) و قعدنا
فوق علي ترابيزة شايفة البحر
احمد : اية رأيك في المكان ؟
مها : حلو اوي يا احمد المكان دا , منظر البحر تحفة من
هنا
احمد : بس علي فكرة منظر النيل من البلكونة في المنصورة
احلي
مها : هههههههههه اية الاصالة دي ^_^
مها : بص يا احمد انا كنت عايزة اقولك علي حاجة
احمد : اتفضلي ارغي براحتك .... ^_^
مها : تعرف إن دي أول مرة اقعد علي ترابيزة أنا و أنت بس !!
احمد : عارف , و دا يمكن مخليني مرتبك شوية بس أنا بكون
مرتاح جدا جدا لما اكلمك و برتاح لمجرد ان أنا اسمع صوتك الرقيق يا مها ....
مها : ميرسي يا احمد ربنا يخليك ليا , احمد انت عارف اكتر حاجة بتعجبني فيك اية؟
احمد : دا غير ان انا شبة احمد السقا ؟؟
مها : هههههههههههه متاخدش مقلب في نفسك اوي كده يعني ^_^
, بس أنا بتكلم بجد
..
احمد : ها اية؟
مها : انت انسان كويس اوي يا احمد , و طيب اوي , و أصيل
من يوم ما عرفتك
احمد : دا بس من ذوقك يا مها و أنا فرحان جدا ان أنا اسمع
الكلام دا من إنسانة زي القمر زيك ...
مها : بتكلم بجد , انا لاحظت فيك كدة من و
احنا صغيرين , من ايام الاعدادي لما كنا بنروح سوا المدرسة و
لو حد حاول يضايقني انت كنت بتدافع عني و تعمل أية حاجة عشاني
و مع ذلك كان بيبان عليك الاحترام و الكسوف لو بنت كلمتك , و غير كده انا مبسوطة جدا من رجولتك و تحملك للمسئولية و انا فاكرة من يوم ما عمو (باباك) الله يرحمو اتوفى و انت شلت المسؤلية كلها
و بقيت راجل البيت و اخوك مسافر
و كنت خير مسئول عن طنط و شيماء , و ماما كانت دايما تقول فيك كلام حلو أوي , و ان انت راجل و محترم و كل اصحابك بتشكر فيك و بابا مينساش يوم ما كان مسافر و الناس بتوع الصيانة جم
البيت
عندنا و انت وقفت معاهم مكان بابا لحد ما خلصو شغل و دا
يمكن اكتر موقف بابا و ماما حسو فيه انك راجل و متتخلاش
عن جارك ولا عن أي حد
و اللي أكدلي كلامي لما أنا كلمتك
عشان تسافر معايا النهاردة و انت وافقت من غير تردد و انت
متتصورش أنا فرحت قد اية لما لاقيت ان دا موقفك و خفت عليا من السفر
..
و فية حاجة تانية كمان كنت عايزة اقولهالك
انت تعرف ان انا عيلتي كلها
مستغربة و بتقولي ان انا لية متخطبتش لغاية الوقتي , و انا بقولهم ان انا
مش ناوية ارتبط الوقتي عشان الدراسة , بس دا مش السبب الوحيد .......
السبب التاني ان انا كل ما افكر في الارتباط , مش بشوف غير انسان واحد
قدامي , هو انت يا احمد
....
(اتكسفت جامد و سكتت)
طبعا بعد ما أنا سمعت الكلمتين دول عجز لساني عن الكلام ,
بس كان لازم ارد , و رديت الرد اللي كان نفسي أرده من زماااان أوي .....
احمد : عارفة يا مها , انتي قربتي عليا مسافات
كتيرة اوي من الكلام اللي كنت عايز اقولة , ف الاول أنا
اشكرك علي كلامك اللي انتي قولتية و يارب اقدر اكون عند حسن
ظنك دايما يا مها لان دا اللي أنا بتمناه , ان انتي تكوني راضية عني
و بجد انا طول عمري شايفك الانسانة المحترمة المتربية الجميلة و جارتي الطيبة و الناس الاصيلة و اجمل عشرة جيران , و فعلا الجار قبل الدار
!!
و فاكرة يا مها من ايام ما كنا بننافس بعض علي اللي يجيب مجموع اعلي في الابتدائي؟ و كملنا لحد الثانوي المنافسة دي؟ , و الحمد
لله احنا الاتنين اتنافسنا دخلنا نفس الكلية عشان كان قدامنا هدف و من غيرك
يا مها مكنش هيكون ليا دافع ان أنا ادخل كلية مكنتش احلم إني اخشها زي
كلية طب الأسنان دي
و انا بقولك بكل صدق يا مها انا معرفتش بنت غيرك طول عمري
لاني متصورتش ان فية بنات تانية غيرك في رقتك او ادبك
مها انا بجد من اول يوم عرفتك فية و انا مش شايف بنت غيرك
انتي
و شيماء لاحظت جدا ان انا ميال ليكي و كل
البيت لاحظ كده و أنا مأنكرتش كده , و فعلا اللي بيحب بيبان مهما كان و أنا
كل ما يتريقوا عليا و يقولو عليا واقع في حبك و الكلام دا
أنا كنت بفرح ,,,, و بخاف .......
بفرح عشان فية ناس حاسة ان أنا بحبك
فعلا , يعني مش بوهم نفسي و خلاص , و اللي خوفني إن أنا لو
صارحتك بحبي و إن أنا معجب بيكي تصديني او تقولي اننا اخوات او مينفعش نرتبط عشان المستوى المادي أو الإجتماعي اللي بينا , بس أنا
عارف ان انتي انسانة متحضرة و متقوليش كده
و متنسيش إننا جينا نسكن في المنصورة أصلاً
بالصدقة , و كانت أجمل صدفة عشان عرفتك يا مها ,,,, ياااااة أنا حكيت
كلام كتير اوي كان نفسي اقولة ,
, مها انا...... انا بحبك يا مها , بحبك !!
وبكده ينتهي الجزء ما قبل قبل الاخير من الفصل الاول
انتظرونا في الحلقه ماقبل الاخيره
للفصل الاول
هههههههههههههههه
طبعا مش هتيجي الحلقه الا لما اشوف تعليقااااااااات الدنيا والاخره
عاوز همة وعاوز توقعات هتكون اخر حلقة ايه
رمادا
