الشاب الذي حرق دم الفتاة

هووهى مشيين على الكورنيش .. الجو حار .. الشمس
محرقة

هي : عطشانة

.

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك
عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين
، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص
.

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا
بارد

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا
حراااااااااااااااااااااااااااااااااام

ايه رايكم يا بنات
افتحو نوافذ التهوية بقى عشان ريحة الشياط تطلع

الشاب الذي حرق دم الفتاة 1723376585

ههههههههههههههههههههههههههههه

بممووووووووووت انا ف الباردين

بس ميحرقوش دم البنات كله الا ده

البنات بس اللى تحرق دمهم

ايه يا عاشقة
الحكايه عجباكي ولا ايه

من عنيا هغرقك من ده كل يوم
بس انتي استحملي بقى وذنبك ع جنبك
وبعدين اسهل حاجه انك تحرقي دم بنت

هههههههههههههههه
ياسلام عليه والله واد شاطر
هو مينفعش معاهم الا كده
انت علشان تعرف بنت لازم تكون بايع بيتك قبلها
هو كده تمام
تسلم ياامبراطور على توبيكاتك
تحياتى

تسلملي يا هيما على ردودك وتفاعلك معايا

انت الضهر اللي بتسند عليه

تسلملي يا غالي

ده الولد ده بجد رخممم اخر حاجه يالهووووووى
فين الشهامه والرجوله والنخوه ههههههههههههههه
هو فيه كدا؟؟؟؟
وبعدين التوبيك ده ضدكوا والله ههههههههههههههه

بالعكس

دانا بوريكو بس العين الحمراااا
ههههههههههههههههههه

عشان تعرفو اننا طيبين وتقدرو النعمة اللي انتو فيها
بس الصبر له حدود

وممكن نقلب ونبقى كده

الشاب الذي حرق دم الفتاة 3550439318

هههههههههههههههههههه

خلى بالك يا محمود بقى وانتا خارج من المنتدى

هيستنوك بره

انا حاسس انى شايف نفسى فى المراية ههههههههه

نورت المنتى يا حودا

انا سيبتلك ملعب الرجالة المفترية

يالا العب براحتك بقى ههههههههه

ههههههههههههههههه

اكيييييييد

تربيتك يا ريس

» من هو الشخص الذي لم تنساه ولو مر عليك الزمان؟
» ما الذي يحدث عندما ينفخ في الأكل لتبريده