-
اســمي أحمد , 20 سنة ,
بدرس طب أسنان المنصورة ....
ساكن فيها في منطقة جميلة جدا , علي المشاية , طبعاكلكو
عارفينها
مستوانا الاقتصادي مش قد كده ويمكن الشقة اللي إحنا
عايشين فيها دي كمان اعلي من مستوانا لان والدي ورثها عن جدي الله يرحمه
والدي اتوفي و انا عندي 16 سنة و أخويا الكبير شغال برة
مصر في ايطاليا هو و مراته و أولادة
مش قادر اقولكوا والدتي قد أية كانت ف أزمة
نفسية من بعد وفاة والدي بس ربنا يخليها ليا أختي الصغيرة (
شـيــمـاء ) أصغر مني ب 3 سنين ساعدتها و مسابتهاش ف
محنتها و مسكت هي شغل البيت كله رغم إنها كانت صغيرة لحد اما الوالدة قامت
بالسلامة و رجعتلنا احسن من الأول ........
كنا عايشين علي وديعة ف البنك كل شهر بنصرف من العائد
بتاعها و الحمد لله بيكفينا إحنا التلاتة
قولتلكو قبل كده ان انا ساكن ف منطقة جميلة , بس الأجمل
اللي ساكن فيها , و بالتحديد ف الشقة اللي جنبنا
(مـهـا) , زميلتي في الكلية , مهما حكيت مش هقدر
اوصفهالكو
أدب الدنيا فيها و محترمة
جدااا , و جميلة اوي بسم الله ما شاء الله , ينطبق عليها قول
الأستاذ عمرو دياب "زي الملايكة اما تشوفها .. ورداية تحلم تقطفها .. ميتحكيش عليها "
فعلا ميتحكيش عليها
و الأجمل من دا كله ..... إنها جارتي
طول عمري لما اكلمها ( أو اكلم
غيرها و العلم لله ^_^) بتكسف أوي و مكنتش بشيل عيني من علي
الأرض من كتر ما انا باصص للأرض من كسوفي إني أبصلها و هي بتتكلم
و هي كمان كانت بتتكسف أوي .. عشان كده كنا نادر أنا
نتكلم كنير عشان حكاية الكسوف دي
والد مها دا راجل محترم جدااا اسمة الأستاذ جلال , كان
شغال محامي و كان مشهور جدا بس الوقتي أتحال علي المعاش و متقاعد في البيت
و أمها إنسانة طيبة جداا و تفهم في الأصول
كويس و عارفاني و بتحبني زى ابنها بالضبط اللي هي اتحرمت منه
, بس ربنا أداها بنتين من أجمل بنات الدنيا مها ,,, وآية أختها الكبيرة
اللي متجوزة و سافرت مع زوجها
- الكلية مش بعيدة أوي عن البيت يعني لو اخدتها مشي بتاخد
حوالي 15 دقيقة
و أنا بحب أمشيها أوي الصبح ببقي الجو جميل و المنصورة
هادية جداا علي غير طبيعتها
مها بردة نفس الكلام بتروح الكلية مشي ... بس طبعا مش
بتروح معايا عشان كلام الناس و الوك لوك لوك
علي غير ما كنا أيام الإعدادي و الثانوي , كنا متعودين
نروح المدرسة سوا و لو إننا مكناش بنتكلم كثير في السكة
بس بجد كنت بحس إن أنا اسعد إنسان في الدنيا و أكثرهم حظا
لما ابص جنبي و ألاقي ملاك ... و أي ملاك
ماشي جنبي في سكتي , كنت بحس ان الدنيا دي ملكي كلها ......
كنت دايما لما أشوفها جنبي أقول في سري ربنا يخليكي ليا و
ميحرمنيش من إن أنا أشوفك في يوم من الأيام يا مها
مخبيش عليكو كنت بحبها جدا و
بغير عليها من نفسي و محاولتش اقولها او اصارحها عشان اسباب
كتير منها إن أنا مكنتش عايز اشغلها عن مذاكرتها ولا مستقبلها , لحد
ما الحمد لله ربنا وفقنا إحنا الاتنين كان بينا منافسة في المذاكرة و جبنا إحنا الأتنين نفس المجموع تقريبا و دخلنا كلية واحدة ..... طب
أسنان
المهم , في يوم من سنة أو اكتر و أنا رايح
الكلية الصبح كعادتي لاقيت حد جاي عليا بسرعة و بيقول احمــــــــد
وقفت باستغراب و قولت مين يا تري اللي جاي ورايا بالسرعة
دي , بس الصوت دا مش غريب عليا , دا صوت مها !!!!
و بصيت ورايا لاقيتها هي
مها : أزيك يا احمد معلش إن أنا عطلتك
احمد : أزيك أنتي يا مها , ولا عطلة ولا حاجة اقفي بس
شوية شكلك هبطتي من الجري
مها : اها فعلا أنا كنت بحاول اوقفك من ساعة ما نزلت من
البيت و الباشا ولا هنا بيتكلم في الموبايل ....
احمد : ااااه معلش أنا كنت بكلم واحد صاحبي بصحية من
النوم عشان كان موصيني أصحية , فيه حاجة يا آنسة مها؟
مها (في كسوف شديد) : ممكن أطلب منك طلب يا احمد؟
احمد : تؤمري ... عايزه تتكلمي في التليفون؟
مها(و علامات الخوف تلاشت من علي
وجهها و ابتسمت) : هههههههههههههههه لا ميرسي معايا رصيد
اكتر منك , أنا بس أمبارح ملحقتش انقل المحاضرة و بجد محتاجاها جداا النهاردة عشان انقلها قبل ما المحاضرات تبدأ , ممكن بس كشكول المحاضرات بتاعك و إن شاء الله هجيبهولك قبل أول محاضرة؟
احمد : يااااة بس كده , أتفضلي يا مها دا أنتي تؤمري .
مها : ربنا يخليك يا احمد , اسيبك أنا بقا عشان ماتتأخرش
, سلام
أحمد : سلام يا عمري
مها (بتعجب شديد) : ؟؟؟ , سسس سلام
قعدت طول السكة اسأل نفسي و أعاتب نفسي عن التصرف الغلط
جدا اللي أنا عملتة دا
اية آلي أنا قلتهولها دا؟ اية يا عمري دي؟
أنا أحرجتها جدا , يخربيتك يا
احمد مها هتقول عليك دلوقتي أية؟ أكيد أتضايقت إنها وقفتك في
الشارع و سمعت منك الكلمة البايخة دي اللي ملهاش أي لازمة بالمرة
أنا بجد أتحرجت قوي لما الكلمة دي طلعت مني غصب عني و
كسفتها , مش قادر انسي قد أية وشها احمر لما سمعت الكلمة من الكسوف !!
يارب أتصرف أزاي مش عارف اعمل اية؟ يارب استر و متكونش
سمعت , بس ازاي دي كانت قدامي !!
الساعة بقت 9 و فية محاضرة الوقتي , توكلنا علي الله
و أنا داخل لسه لاقيت نفس الصوت الرقيق الجميل اللي نادي
عليا و أنا ف الشارع
مها : احمد احمد ,معلش أتأخرت و أنا بنقل المحاضرات ,
أقابلك بعد أما نخلص
...
((قولت في سري الحمد لله شكلها عدتهالي)) ^_^
احمد : اوكي ماشي في كافتريا الجامعة بقا ...
أية اللي مها قالته دا؟ عايزاني أنا بعد المحاضرات , أكيد
فيه حاجة مش مستريح بالمرة , يا رب استر اليوم دا باين من أوله
المهم و أنا جوه ف القاعة بتاعت
المحاضرات سرحت تاني في موضوع مها و افتكرت كل اللي حصل في
اليوم دا من اولة لآخرة و افتكرت مها بجمالها ورقتها و كل حاجة .......
" كان عندك حق تدوب و ترق و ترجع تاني يا قلبي تدق
..... " , هكذا رن موبايلي في المحاضرة وسط سخرية من الكثير من اللي كانوا
حوالايا
و لاقيت الدكتور بيقولي : كان عندك حق !! طيب يا باشا
استناني بعد المحاضرة عشان اديك حقك !!
و طبعا حبايبي الشاطرين اللي ف القاعة كلهم مبطلشوش ضحك
و قولتلة خير يا دكتور فيه حاجة؟
قالي : لا مفيش بس عايزك في كلمتين
أحمد : اوكي يا دكتور مفيش مشكلة .....
المحاضرة خلصت وانتظرت أما يبدأ بالكلام
الدكتور : احمد أنت عارف إن أنا بعتبرك زي ابني بالزبط و
يمكن اكتر كمان
احمد : و دا وسام أضعة علي صدري يا دكتور , خير؟
الدكتور : خير إن شاء الله , أنا بس كنت عايز أسألك سؤال
, هو الموبايل اللي معاك دا بكام؟
في بالي قولت : أنت تافه أوي يا دكتور ^_^
احمد : أنا شارية ب 3700 جنية يا دكتور بس ميغلاش علي
حضرتك
الدكتور : أصل أنا كنت عايز اجيب لأبني موبايل
جديد و ملاقيتش حد كفاءة اسأله غيرك أنت لان أنت واخد شهرة بين
زمايلك انك بتفهم في الموبايلات ............... ((وهاتك يا كلام فاضي
لمدة ساعة))
احمد : اوكي يا دكتور إن شاء
الله بالليل انزل العباسي و أشوف انسب جهاز و اجيبه لحضرتك بكرة ان شاء
الله و أنا جاي الكلية و هبقي اقول لحضرتك علي التكاليف ولا خليها عليا و
الله .
الدكتور : هههههههههه , لا ازاي يا احمد , و متشكرين يا سيدي بس شد حيلك في مذاكرتك و آسف لو كنت أحرجتك قدام
زمايلك
أنا كنت بس عايز اهزر معاك و الله مش أكتر
احمد : لا و لاحاجة يا دكتور خالص دا حضرتك دكتورنا بردة
و حضرتك تقول اللي انت عايزة إحنا خدامينك ((بثبتة , فية حاجة؟ ))
الدكتور : مع السلامة يا احمد
احمد : مع السلامة يا دكتور
خرجت من المحاضرة ساعة أو ساعة و شوية متأخر عن الباقي
بعد الجلسة الصحفية الطوييلة العريضة بيني و بين ابو الدكاترة كلهم
و يادوبك و أنا بركب التاكسي عشان أجيب حاجات للبيت قبل
ما أروح افتكرت مها
....
يا خبر !!! دا كان المفروض أقابلها في الكافتريا بعد
المحاضرة , نزلت من التاكسي و رجعت للجامعة جري و روحت الكافتريا ملقيتهاش
و سألت عليها قالوا إنها مشت من فترة ...........
تاني موقف بايخ مني تجاه مها النهارده
طيب أتصرف أزاي يا ربي بس؟
ياربي أية اليوم النحس دا بس , اعمل اية الوقتي؟
أنا مش بحب ازعل مها مني ....
ممممممم طب أنا جاتلي فكرة .....
lue]e=24]
وبكده ينتهي الجزء الاول من الفصل الاول من حكايتنا
ايه رايكم
مع العلم ان حكايتنا بتتكون من فصلين وكل فصل فيه اجزااااء كتير
اتمنى اشووووف ردود جاامده عشان اكمل
ولو مش عاوزين نكمل خلاص نكتفي بالجزء ده
تحيااااااتي [/size]
ف انتظار الباقى
