انا عارف

موضوع: انا عارف الخميس أغسطس 11, 2011 4:34 pm

صدّقنـيأنا عـارف

صدقني أنا عارف إن الصلاة فرض وإني لازم أصلّي في الجامع

صدقني انا عارف إن السجايرحرام وإنها بتضيع فلوسي وصحتي

صدقني أنا عارف ان القهاوي حرام

صدقني انا عارف إن المفروض ماارتبطش بالبنات وأكلمهم.. وإن اللي هعمله معاهم هيتردلي فيعيلتي

صدقني انا عارف إن أنا على غلط وإن أنا كده قريب من النار

صدقني أنا عارف أن المخدرات والخمرحرام وبتضيعلي عقلي وبتخليني زي الحيوان

صدقني أنامش وحش وأنا بحب ربنا وبحب النبي صلي الله عليه وسلم

صدقني.. وصدقني.. وصدقنيصدقني

أنا عارفة إن شعري لازم أغطيه وإني بآخد سيئة بكل شعرة بتبان منه.. وإن كل شاب بيتفتن بيّا بآخد سيئةعليه

صدقني أنا عارفة إني لازم أصلي.. وإني أحافظ على نفسي لحد ما أتجوّز

صدقني انا عارفة إن المفروض مقعدش على قهاوي وأشرب شيشة
صدقني انا عارفة إن المفروض محدش يلمسني غير اللي يحلّ ليّا بس

صدقني أنا عارفة إني المفروض ما أنزلش من بيتنا بالهدوم دي

صدقني.. وصدقني.. وصدقني

وفي الآخر إدعيلي ربنا يهديني

معلومة بسيطة:

المعرفة غير الإيمان إنك عارف ان الصلاة فرض, مش كفاية كلنا عارفين ان اللي بيسمع الأذان بيوطّي صوت الكاسيت وقت الأذان..

إنما لو كان مؤمن كان نزل صلّى انا عارف إنك عارفة إن الحجاب فرض.. بس فين حجابك؟

فين إيمانك إنك لازم تكوني عفيفة.... متقوليش بعدين أبقى أتحجب مش هنضحك على بعض

إنتوا فين ؟.. ورايحين فين ؟ انتوا مستنيين إيه ؟

مستنيين إن أخوك أوأختك أو بنتك تموت دامك وهي بتعمل المعصية ؟

مستني إن ربنا يبتليك بسرطان ولاّ شلل لشان تتوب وتفوق من اللي انت فيه؟

مستنية إن ربنا يبتليكي بمرض جلدي عشان خبّي لحمك اللي مفرّجة الناس عليه؟

ولاّ يوقعلك شعرك اللي طيّراه على الناس؟

ولا مستني ربنا يعميك بعينك اللي مابتسيبش بنت معدية إلا وفحصت بيها كل حتّه فيها ؟

مستني إنك تدخل القبر ويسألك لملكين: من ربك؟ من نبيك ؟ ما دينك؟

ترد بإيه ؟

ترد باللي كنت عايش عليه في الدنيا ؟تعيّط عشان حبيبك.. ومعيّطش منخشية ربنا؟

كنت بتبص للبنات ومبصّتش في كتابه تقرأ قرأته ؟

تقول إيه لنبيك على الحوض ؟

هتقوله انا بحبك بس مبسمعش كلامك؟

فوقوا بقىفوقوا بقى قبل ما تموتوا

» مش عارف