ضيف على السحور مع ................. face moon

السلام عليكم ورحمة الله وبركاته
طبعا ضيفنا النهاردة على السحور
عضوة جديدة علينا ونتمنى انه تكون متواجدة معانا باستمرار
يارب تتبسط معانا ونتعرف عليها اكثر

face moon

اتفضلى استريحى وخدى نفس عميق
1/ ممكن تعرفينا بنفسك بالتفصيل طبعا ؟
2/ هل لكى اى طقوس او عادات معينة ترتبط بشهر رمضان ؟
3/ ما هو طبقك المفضل على مائدة السحور والافطار فى رمضان ؟
4/ افضل اكلة بتعمليها فى رمضان؟
5/ انتى فى البيت مسئولة عن تحضير السحور ولا الفطار ؟
6/ افضل طبق حلو من حلويات رمضان بتعمليه ؟
7/ تفتكرى اول رمضان صمتيه بالكامل ؟واخر فانوس جالك؟
8/ كيف تقضى وقتك فى رمضان بعد الفطار؟
9/حضرتى افطار جماعى قبل كده ؟
10/ احكيلنا اول يوم رمضان ؟
11/اكثر اصناف بتعميليها فى اى عزومة رمضانية ؟
12/ اختارى عضو واعزميه معاكى على السحور وعضو اخر على الفطار ؟
13/ مين العضو اللى هتجيبيله فانوس ؟والعضو اللى هتطلبى منه فانوس ؟
14/ مين اول شخص بتتصلى بيه وتقوليله رمضان كريم ؟
15/ اكتر عادة سيئة بتحدث فى رمضان ونفسك تغيريها ؟
16/ امنيه بتتمنيها فى هذا الشهر الكريم ؟
17/ اكتر حاجة عجبتك فى منتدنا ؟
18/ مين العضو اللى نفسك تتعرفى عليه عن قرب ؟

طبعا فى النهاية بنشكرك على موافقتك الانضمام لينا
ويا رب متزهقيش مننا

تحياتى ليكى

سؤال لولبى فيس مون

انتى بتصومى ؟ ولا زى كل رمضان ؟

واما بتصومى بتفطرى معانا العصر ؟ ولا بتكسلى وبتفضلى انك تستنى المغرب اما يأذن عشان تصليه بالمرة ؟

ههههههههههه راجع تانى

اتفضلى استريحى وخدى نفس عميق
أوووووووك
1/ ممكن تعرفينا بنفسك بالتفصيل طبعا ؟
أنا
منى , طالبه فرقه تالته فــ أكاديميه الدلتا للعلوم , من بلد جنب المنصوره
علطول , عندى 19 سنه , هواياتى بحب السفر , بحب الابتكارات احيانا , بحب
اتفرج على مسلسلات كورى رومانسى وكوميدى وايه كمان مش فاكره بصراحه .
2/ هل لكى اى طقوس او عادات معينة ترتبط بشهر رمضان ؟
مفيش أكتر من انى بروح أصلى الترويح أنا وأصحابى فــ المسجد يعنى بنتجمع ونروح مع بعض دى عادتى كل رمضان بس.
3/ ما هو طبقك المفضل على مائدة السحور والافطار فى رمضان ؟
والله بصراحه مفيش حاجه محدده بردو يعنى الحاجات الخفيفه بتاع الصحوريعنى لانشون , جبنه , بيض كده يعنى
أما الافطار بموووووت فــ المحشى .
4/ افضل اكلة بتعمليها فى رمضان؟
تقريبا
فراخ مشويه بس فــ رمضان ده الصراحه مطبختش خالص لأن مش ببقى فــ البيت
فــ وقت الطبيخ أصل بتعلم تجويد القرأن فـــ الوقت ده .
5/ انتى فى البيت مسئولة عن تحضير السحور ولا الفطار ؟
يعنى
على حسب الظروف يعنى لو ماما مشغوله فــ حاجه وبتحاول تخلصها بسرعه بجهز
أنا الفطار انتوا عارفين الرجاله ممكن يعملوا مجزره فـــ البيت بسبب تأخير
تجهيز الاكل , أما السحور فــ الاغلب بجهزه بس بردو مش دايما .
6/ افضل طبق حلو من حلويات رمضان بتعمليه ؟
الصراحه ماليش فيه لإنى مش بحب الحلويات أوى بس بساعد ماما فــ عمايل الحاجات دى .
7/ تفتكرى اول رمضان صمتيه بالكامل ؟واخر فانوس جالك؟
امممممممم
أول رمضان صومته كامل تقريبا وأنا فــ خمسه ابتدائى بس كنت بجى ع أخر
اليوم وابقى هموت وأقول عطشانه تقولى خلاص استحملى عمرى ماهنسى الايام دى
لأن طول شهر رمضان بجى ع الاخر وابقى خلاص ,
أخر
فانوس تقريبا فــ أولى إعدادى كنت أنا وابن خالتى يجيلنا نفس الفانوس بس
بألوان مختلفه أخر واحد جالى اللى هو الفانوس اللى بيبقى فــ قلبه شمعه لو
تعرفوه .
8/ كيف تقضى وقتك فى رمضان بعد الفطار؟
بصلى
علطول التراويح وممكن أخرج بقى مع حد من العيله خالتى مثلا , حد رايح
يشترى حاجه ياخدنى معاه أصل أنا البنت الوحيده فــ العيله أى واحد من
العليه راحه مشوار تلاقيها جايه تاخدنى معاها فبخرج أحيانا بعد الفطار
وممكن أقعد مع واحده صاحبتى وأحيانا ألعب مع أطفال الجيران كده يعنى .
9/حضرتى افطار جماعى قبل كده ؟
الصراحه
رمضان ده لأ يعنى جدى توفى وهو اللى كان بيعزمنا علطول وفيه مشاكل فــ
العيله شويه يعنى وحبين نبعد عن كل ده بس ان شاء الله هيبقى فيه قريب فطار
جماعى بس ربنا يسهل
10/ احكيلنا اول يوم رمضان ؟
كان
عادى مكنش متعب بالنسبالى لإنى كنت بصوم اتنين وخميس صحيت عادى متأخر شويه
وقومت صليت بعد كده شوفت بعض اللقطات من مسلسل بيمثل فيه واحد من بلدى
وبعدين قتحت الميل وبعت رسايل لاصحابى عشان اهنيهم بشهر رمضان والعصر روحت
الجمعيه الشرعيه عشان تجويد القرأن وبعدها قعدت مع الناس اللى اتعرفت عليهم
هناك لحد قبل المغرب بــ 10 دقائق وبعدين روحت فطرت وصليت المغرب واتفرجت ع
الدالى وقعدت شويه ووحت صليت التراويح وجيت قعدت ع الكمبيوتر وبسسسسس .
11/اكثر اصناف بتعميليها فى اى عزومة رمضانية ؟
أنت
محسسنى إنى ست بيت وسوسه فــ الطبيخ بوص يا سيدى فـــ الاغلب العزومات
عندنا فراخ او بط او نوع من السمك فدايما بنعمل الفراخ مشويه بحب اعملها
ومكرونه وبمووووووت فــ عمايل السلطه بحب اعملها باشكال ومحشى بعمله مع
ماما وبسسسسسسس
12/ اختارى عضو واعزميه معاكى على السحور وعضو اخر على الفطار ؟
أنت على السحور , عمرو ع الفطار عشان يعرف انا بصوم ولا زى كل سنه هههههههه .
13/ مين العضو اللى هتجيبيله فانوس ؟والعضو اللى هتطلبى منه فانوس ؟
هجبلك أنت , وهطلبه من عمرو
14/ مين اول شخص بتتصلى بيه وتقوليله رمضان كريم ؟
فــ الاغلب أخويا أو بابا بس هما اللى بيكلمونا وبعد كده أصحابى كلهم وعيلتى يعنى من الاخر مفيش حد معين بتصل بيه الاول .
15/ اكتر عادة سيئة بتحدث فى رمضان ونفسك تغيريها ؟
بصراحه
بصراحه الفرجه ع التى فى بس غصب عنى بلاقى قاعده وفتحاه ويحصل حاجه فيه
تشدينى تخلينى اقعد اتفرج لأ واستنى تانى يوم عشان اشوف ايه اللى هيحصل فدى
حاجه بتضايقنى .
16/ امنيه بتتمنيها فى هذا الشهر الكريم ؟
ناس
عرفتهم من خلال منتدى طبعا ماليش تعامل معاهم بره المنتدى بس اتعودت عليهم
جدا وكنا بنعتبر المنتدى ده بيتنا التانى سابو المنتدى بسببى مع انهم هما
اللى عملوه هو مش بسببى اوى بس انهم سابو المنتدى دى حاجه مضيقانى لإنى
اتعودت عليهم واعتبرتهم زى اخواتى وغير كده كان هما روح المنتدى بتمنى
يرجعوا تانى وكل حاجه تبقى زى ما كانت وملاقيش حد شايل من حد والاقى الناس
كلها فرحانه حاجات كتيير قلبتوا المواجع زى مابيقولوا
17/ اكتر حاجة عجبتك فى منتدنا ؟
حاسه
انكم أسره بسيطه بتحبوا بعض وحابين إن المنتدى يكبر بس بحب وتعاون مش كل
واحد يلعب من ورا التانى حاسه بروح مرحه للمنتدى كله بتمنى فعلا انه يكبر
وانى اكون مساهمه فــ انه بيبقى من احسن المنتديات ان شاء الله .
18/ مين العضو اللى نفسك تتعرفى عليه عن قرب ؟
أمممممممم
مفيش بصراحه انا لسه جديده زى ماانتوا عارفين .

طبعا فى النهاية بنشكرك على موافقتك الانضمام لينا
ميرسى كتيييييير وأنا ليا الشرف انى أكون معاكوا
ويا رب متزهقيش مننا
متقولش كده أنا مبسوطه بجد انى معاكوا يارب بس اكون ضيفه خفيفه على قلوبكم

سؤال لولبى فيس مون

ههههههههههههههههههههههههه
طيب

انتى بتصومى ؟ ولا زى كل رمضان ؟
لا زى كل رمضان

واما بتصومى بتفطرى معانا العصر ؟ ولا بتكسلى وبتفضلى انك تستنى المغرب اما يأذن عشان تصليه بالمرة ؟
لا بستنى المغرب إما يإذن عشان أصليه بالمره هههههههههههههههههههه

ههههههههههه راجع تانى
أووووووووك

لو شفتى حد بيضرب طفل في الشارع (مش ابنه طبعا) تتدخلي والا تقولي وانا مالي

لو كنتى موجودة في مكان و حد اتعرض للظلم تبادري بانك تقفي معاه والا تستني حد يطلب منك والا ماتدخليش خالص

لو كنتى متغاظة من لولا (معلش يا لولا) ومامتك اتضايقت منها في حاجة ياترى هاتشعلليها والا هاتسيبهم منهم لنفسهم والا تدخلي تصلحي الموقف

لو واحد جه قالك بحبك هاتردى تقوليله ايه اذا :
اولا اذا كنتى بتحبيه
ثانيا اذا كنتى بتكرهيه
ثالثا اذا كان زى اى شخص وخلاص

لو واحدة صاحبتك بتحب واحد وطلبت منك تكلميه وتفهميه انها بتحبه ترفضي والا تقبلي ؟؟؟ ولماذا؟؟؟

لو لاحظتى ان جوزك مهتم بواحدة معينه من صحباتك تعملي ايه؟؟؟؟

لو اتقدملك عريس انتى شايفاه مناسب وعاجبك بس اهلك مش موافقين تعملي ايه؟ تصممى وتحاولي تقنعيهم؟ والا ترضي برايهم والا توسطى حد يقنعهم؟؟؟

لو دكتور غلط وهو بيشرح حاجة معينه تصححيها والا تسكتى والا تخلي حد غيرك ينبهه

لو احتاجتى تشتري حاجة ممكن تشتريها لوحدك والا لازم تاخدى حد معاكى والا تسيبي حد يشتريهالك

لو خليتك تسألي نفسك سؤال يبدأ بكلمة لو هايكون ايه هو السؤال وايه هى الاجابة ههههههههههههههه

هل تعرضتى لخيانه من قبل الاصدقاء او حبيب او من اى شخص كان ؟

هل اخطيت فى حق انسان ورفضتى الاعتذار مع انك مصرة على انك مش غلطانة؟

ثلاث كلمات لا تغادر لسانك ابدا؟؟.

ثلاث اشواك قاسية أين تغرسيها؟؟

ثلاث اصدقاء اصبحوااعداء ليكى؟؟

ثلاث اشياء مش عاجبينك فى المنتدى؟

كفايه و لا اقولك هلف لفه و ارجع تانى
اوعى تمشى ههههههههههههههههه

لو شفتى حد بيضرب طفل في الشارع (مش ابنه طبعا) تتدخلي والا تقولي وانا مالي
أكيد طبعا هدخل وليه يضرب طفل أساسا حتى لو ابنه ايه مجنون

لو كنتى موجودة في مكان و حد اتعرض للظلم تبادري بانك تقفي معاه والا تستني حد يطلب منك والا ماتدخليش خالص
هبادر واقف معاه لأنى أكتر حاجه بكرها انى الأقى حد مظلوم قدامى ومااقفش جنبه

لو
كنتى متغاظة من لولا (معلش يا لولا) ومامتك اتضايقت منها في حاجة ياترى
هاتشعلليها والا هاتسيبهم منهم لنفسهم والا تدخلي تصلحي الموقف
لا هدخل وأصلح الموقف

لو واحد جه قالك بحبك هاتردى تقوليله ايه اذا
اولا اذا كنتى بتحبيه

هضحك وهمشى واسيبه بس مش لحاجه أولا انا شخصيتى مرحه وحاجه زى مثلا متوقعتهاش فبتكون السب فـــ ضحكى بس بحاول ادارى ثانيا بقى أنا خجوله جدااااا وفـــ مواقف زى دى بتوه فيها هههههههه
ثانيا اذا كنتى بتكرهيه
مش هرد وامشى واسيبه ولو اتكررت تانى لو حصلت مثلا فــ الكليه هقول للأمن فــ بلدى مثلا هقول لأهلى وهما يتصرفوا كده يعنى
ثالثا اذا كان زى اى شخص وخلاص
هقوله ألف سلامه عليك ههههههههههه

لو واحدة صاحبتك بتحب واحد وطلبت منك تكلميه وتفهميه انها بتحبه ترفضي والا تقبلي ؟؟؟ ولماذا؟؟؟
أكيد لأ طبعا أولا مفيش حد من صحابى يقدريطلب منى طلب زى ده بس لو افترضنا وحصل مش هوافق لماذا بقى لأن دى حاجه اتربيت واتعودت عليه ولو فيه بنت كده وعاوزه تقول لواحد انها بتحبه بتنزلى من نظرى وبحس انها مفيش عندها كرامه وانا عمى ماصاحبت كده الحمدلله
لو لاحظتى ان جوزك مهتم بواحدة معينه من صحباتك تعملي ايه؟؟؟؟
هقوله هات مــ الاخر
لو
اتقدملك عريس انتى شايفاه مناسب وعاجبك بس اهلك مش موافقين تعملي ايه؟
تصممى وتحاولي تقنعيهم؟ والا ترضي برايهم والا توسطى حد يقنعهم؟؟؟
أرضى برأيهم لأنهم عندهم خبره فــ الحياه اكتر منى وأكيد عاوزين مصلحتى وأكيد هما شايفين حاجه انا مش شايفاها ومفيش حاجه تستاهل انى اعارض اهلى عشانها اى ان كان هى ايه وانا عارفه ان كل شئ اسمه ونصيب
لو دكتور غلط وهو بيشرح حاجة معينه تصححيها والا تسكتى والا تخلي حد غيرك ينبهه
هنبهه طبعا
لو احتاجتى تشتري حاجة ممكن تشتريها لوحدك والا لازم تاخدى حد معاكى والا تسيبي حد يشتريهالك
على حسب الموقف لو فــ حد موجود يجى معايا عادى مش موجود خلاص مفيش مشكله اوح لوحدى انما مخليش حد يشتريلى حاجه لإنى مش صغيره
لو خليتك تسألي نفسك سؤال يبدأ بكلمة لو هايكون ايه هو السؤال وايه هى الاجابة ههههههههههههههه
لو رجع الزمن لورا تتمنى تغيرى ايه ؟
مكنتش غلط غلطه اترتبت عليها حاجات كتير
هل تعرضتى لخيانه من قبل الاصدقاء او حبيب او من اى شخص كان ؟
مش خيانه بمعنى خيانه بس هى حاجه اسمها عدم ضمير او عدم امانه وكانت من اصدقاء
هل اخطيت فى حق انسان ورفضتى الاعتذار مع انك مصرة على انك مش غلطانة؟
لأ

ثلاث كلمات لا تغادر لسانك ابدا؟؟.
الحمدلله , لا إله إلا الله , الله أكبر
ثلاث اشواك قاسية أين تغرسيها؟؟
مش لحد معين بس فى قلب أى حد مكنش قد ثقتى فيه
ثلاث اصدقاء اصبحوااعداء ليكى؟؟
3 أصدقاء عرفتهم فــ منتدى
ثلاث اشياء مش عاجبينك فى المنتدى؟
بصراحه مفيش
كفايه و لا اقولك هلف لفه و ارجع تانى
اوعى تمشى ههههههههههههههههه

هههههههههههههههه
أوووووووووك وأنا مستنياك

معلش فيس مون انا لفيت لحد مادوخت

هاقوم اريح شوية بقى هههههههههههه

سيبى شوية لكرسى الاعتراف

اصلى مش عارف ليه حاسس انك هتقعى فيه هههههههههههه

وساعتها بقىىىى هعملك امتحان محدش عملهولك قبل كدا

ياويله بقى اللى هيوقع

تمام يا منى
ياريت متكونيش زهقتى من عمرو
كان سحور بجد ممتع

admin كتب:: معلش فيس مون انا لفيت لحد مادوخت

هاقوم اريح شوية بقى هههههههههههه

سيبى شوية لكرسى الاعتراف

اصلى مش عارف ليه حاسس انك هتقعى فيه هههههههههههه

وساعتها بقىىىى هعملك امتحان محدش عملهولك قبل كدا

ياويله بقى اللى هيوقع

هههههههههههههههههههههههههههههه
لا متقلقش خالص متعوده ع الحاجات دى وأكتر من كده كمان

lover nights of love كتب:: تمام يا منى
ياريت متكونيش زهقتى من عمرو
كان سحور بجد ممتع

مستحيل طبعا أزهق منه
لإنى طالما فضلت معاكوا يبقى حبيتكوا
وبقيتوا زى اخواتى
ومفيش أخوات بيزهقوا من بعض
وكان جميل بالنسبالى السحور ده
ميرسى كتير