اهلا ومرحبا بك فى ارض العزة .
أنت غير مسجل في منتديات هاكونا ماتاتا .
فضلا اضغط على التسجيل لتتمكن من المشاركة والتفاعل مع اسرتنا .
لمزيد من التفاصيل
men_7abeb_amr@yahoo.com



 
الرئيسيةالبوابةاليوميةبحـثالمجموعاتالتسجيلدخول

شاطر | 
 

 قصة اتنين زمايل من المنصوره (5) والاخيره

اذهب الى الأسفل 
كاتب الموضوعرسالة
محب الرحمن
المشرف العام
المشرف العام


الجنس : ذكر
نقاط : 1232
تاريخ الميلاد : 24/06/1992
تاريخ التسجيل : 28/08/2011
العمر : 26
الموقع ManSouRa

مُساهمةموضوع: قصة اتنين زمايل من المنصوره (5) والاخيره   الجمعة سبتمبر 09, 2011 10:20 pm

مها انا...... انا بحبك يا مها ,
بحبك !!




مش عارف الكلمة دي طلعت مني ازاي
آآآآه بس حاسس ان انا استريحت اوي لما قلتها لمها و قولت في نفسي اخيرا وصلتلها احساسي اللي عايز اقولهولها
من سنين طويييلة , أوعي تكسفيني يا مها

المهم مها بعد الكلام دا لاقيتها ابتسمت
و هزت راسها كأنها بتقول (( و أنا كمان بحبك )) و فجأة وشها احمر و
استأذنت في الذهاب لدورة المياة , ثم طلبت مني ان نتوكل علي الله و نرجع
المنصورة خصوصا اننا بقينا بالليل


و احنا راجعين في العربية علي
عكس الذهب .. مها منامتش , و فضلت طول الطريق سرحانة و كل شوية احاول
اقولها ازيك يا دكتورة مها , الاقيها بتضحك و خديها يصبحان شبة التفاح الأحمر موسم حصاده و تظهر عليها علامات السعادة و أنا كمان كنت
بحس بالسعادة و ببتسم ,
و قمت مشغل السي دي بلاير و لاقيت اغنية عمرو دياب
.." خليك معايا
"
((اية الصدف دي بس يا ربي)) .....
و كنت اشعر بمشاعري تتوهج تجاه مها عندما
اسمع مقطع : "عارف انت اجمل حاجة تفرح الواحد هي
اية؟ ان اللي ياما حلمت بية تلاقية حبيبك , و أنا عشت احلم باللحظة دي دا
اللي بدور علية أنا اسيب حياتي و دنيتي ولا يوم اسيبك"


الحمد لله مطولناش في السكة و وصلنا بالسلامة لتحت
العمارة و نزلت فتحتلها الباب و قولتلها ....

حمد لله علي السلامة يا قمر المنصورة نورت

قالتلي : الله يسلمك يا احمد ميرسي , اية دا انت مش طالع؟
احمد : و الله دي مش العربية اللي انا كسبتها
في كيس قلبظ , دي بتاعت واحد و لازم ارجعهالة , هوصلها
لصاحبها عشان متعيطش و هروح علي طوول ...
مها : ههههههههه ماشي , خد بالك من نفسك يا احمد
احمد : ان شاء الله
احمد(بينادي عليها) : مها
مها : ايوة يا احمد ..
احمد : بحبك
مها : ........
....................

روحت بيتنا من هنا لاقيت ست الكل مستنياني .... و طبعا مفوضة السلام "اختي" ......

والدتي : كنت فين يا باشا انت و الهانم , و
سبتنا في مشكلة من الصبح
!!
احمد : خير يا ماما , فية اية بس قلقتيني !!
والدتي : ماما اية بقا انت خليت خليت فيها ماما؟
احمد : استرها يا رب !!
احمد : اية يا ست الكل انتي عارفة ان انا كنت مع مها
إسكندرية بوصلها لقريبتها
والدتي : و ياتري اية اللي اخركم للساعة 1 باليل؟
احمد : اية يا امي حصل حاجة؟ و لو حصل حاجة مكلمتونيش لية
علي الموبايل؟
والدتي : عشان سيادتك قافل موبايلك من العصر !!!!!
احمد : اية؟ اية دا؟ انا نسيت اشحن الموبايل
أمبارح ... فصل شحن هناك , انا متأسف اوي يا امي مكنتش
اتوقع ان حاجة زي دي تحصل خالص , دا أنا حتى اول مرة آخد بالي
الوقتي , المهم فيه حاجة حصلت؟ قلقتيني ......
والدتي : لا يا سيدي بس ام مها اتكلمت يجي 20
مرة قلقانة عليكو عشان مها سابت الموبايل بتاعها في البيت
, و حضرتك موبايلك مش شغال, و دا ميصحش اللي حصل دا يا احمد ,
اوعي تكون نسيت ان انت و مها مش مخطوبين اصلا !! , انت لازم الوقتي تروح
تكلم مامة ووالد مها في البيت و تفهمهم كل حاجة و تعتذرلهم , الناس دي يا احمد عشرة
سنين و متضيعش العشرة دي
!!
احمد : الوقتي !! مينفعش يا ماما الساعة داخلة علي 2
بالليل , خلاص بكرة الصبح ان شاء الله اول ما اصحي و
مها تصحي هروح عندهم البيت أعتذر و يمكن اعمل منكش بسيط كده
والدتي : منكش اية يا بني ؟ ناوي علي اية متتعبنيش معاك ..
احمد : لا متقلقيش يا امي دا قرار أنا اخدتة و ناوي انفذة
بكرة
والدتي : احمد انت اخدت الفين جنية من البنك يوم الثلاثاء
لية؟
احمد : يا ماما يا عبقرية , لحقتي تعرفي ازاي؟ , بكرة يا
ماما , بكرة هتعرفي كل حاجة .....
والدتي : ان شاء الله بكره هتودينا في داهية, خش نام شوية
يا عم الحبيب
.......

و قبل ما انام افتكرت ان احنا طولنا كلام ف الكافي شوب و
أتأخرنا جداا و انا نسيت الوقت لما كنت مع مها
اكيد انا سببت لها مشاكل كتير في البيت
يارب أنصفني بكرة مع عمي


صحيت الصبح و صليت الظهر و نزلت كده كام مشوار و طلعت
بيتنا علي آذان المغرب بالظبط
المهم يعني الألفين جنية اللي
أخدتهم من البنك رحت اشتريت لمها خاتم دهب غالي أوي من محل
مجوهرات مشهور , و روحت شفت نفسي شوية , ولا أنا يعني مليش نفس انضف؟
^_^ .......

أول ما طلعت من البيت روحت كلمت والدتي و شيماء عشان يجو
معايا النهاردة و احنا رايحين لمها عشان اعتذر لأهلها ......

والدتي : اية دا كلة اية دا كلة؟ اية الشياكة دي يا احمد
, احنا مش مسافرين يابني دي الشقة جنب الشقة !!
احمد : عارف يا ماما , بس قوليلي ,بذمتك مش انفع دكتور
مالي مركزة و أنا بالبدلة دي يا ماما؟ ^_^
والدتي : انت اجمل دكتور في الدنيا يا احمد , الله يرحم
ابوك كان نفسة يشوفك و انت كبير كده و هتبقى دكتور
احمد : الله يرحمة يا ماما و يحسن الية , بس
اكيد يا ماما هو فخور بيا ,,,, يلا مفيش وقت عايزين نروح لعمو
, يلا يا شيماء , اية دا انتي لسة مجهزتيش؟
شيماء : اية دا , هو أنا كمان جاية جلسة التأديب دي؟
احمد : جلسة تأديب؟ انتي بتجيبي الكلام دا منين؟ ايوة يا
ستي انتي جاية , بسرعة بقا ....
شيماء : خلاص استنى بس 10 دقايق
والدتي : مش مستريحة يا أحمد ......
احمد : اصبري عليا يا ست الكل و الله هعمل ري أكشن يفرحك
أوي
والدتي : بلا ري أكشن بلا فاكشن , قولي انت ناوي علي اية
احمد : ههههههه ماشي بلا فاكشن بلا كلام فاضي , هانت يا
ماما , بسرعة يا شيمااااااء , امك هتموتني ^_^


دخل احمد البيت و وجد مها
ووالدها في الريسبشن و مها ذهلت بأحمد و انبهرت لما وجدته قادم
بالبدلة السوداء اللي يتحسد و هو لابسها , كان ولا أجمل عريس في يوم فرحة ,
و معاة بوكية ورد و وضعة قدام مها ... وحسيت بمها و هي تتمتم : آه لو
تعمل اللي في بالي يا احمد , يبقي اثبتلي انك بتحبني فعلا , استرها يا رب !!

احمد : مساء الخير يا عمو , ازي حضرتك .......
والد مها : الحمد لله يا سيدي ,
دا يصح يا احمد اللي حصل دا؟ يعني احنا مستأمنينك علي
اغلي حاجة عندنا و مراعتش ان احنا ممكن نقلق عليها و سبت الموبايل
مقفول؟
احمد : انا متأسف و الله يا عمو بس انا الموبايل نسيت اشحنة امبارح بالليل و فصل شحن مني و انا ف إسكندرية و بتهيألي دي حاجة بتحصل كتير جدا و ممكن تحصل لأي حد مننا , معلش يا عمو و بكرر اعتذاري تاني
...
والد مها : مصدقك يا احمد , بس معلش يا ابني انا أب و
المفروض
تراعي احساسي لما بنتي تتأخر عن البيت و هي مسافرة و
منعرفش حاجة عنها , و مش عايز الكلام اللي حصل دا ينسيني اني
اشكرك إن انت وديت مها امبارح و رجعتها كويسة من غير تعب
مواصلات , شكرا يا احمد يا ابني ....
احمد : العفو يا عمي على اية بس دا واجبي
والله , و بعدين أنا و الله مقدر ان حضرتك ابو مها و دي انسانة
غالية علينا كلنا و اكيد غالية علي حضرتك اكتر من أي حد , و
عشان حضرتك خايف علي مها , انا جاي النهاردة واخد قرار و عايز اقولهولك
, يمكن يضمن لحضرتك ان مها في امان لما تكون معايا , بس بشرط وجود مها
و والدتها .....
والد مها(مستغرب) : قرار اية دا؟ ماشي علي راحتك , تعالي
يا حاجة ......
!!

مها حست فعلا ان أنا جاي اقول حاجة مهمة جدا و وشها احمر
خجلاً ولاحظت أنفاسها تزداد ....

احمد : انا يا عمو جاي النهاردة و متعشم في حضرتك انك
تقبل اني .......
اقرأ فتحتي علي مها ..!!

نظر لي الجميع نظرة باستعجاب ودهشة من سرعة القرار اللي
انا اتخذته !!

سكت الجميع لمدة دقيقتين , كان قلبي هيقف فيهم ....
أسترها يا رب

والد مها (برضي) : بص يا احمد
انت عارف معزتك عندي قد أية و أنا مش هلاقي احسن منك لبنتي مها
بس انا شايف ان القرار دا سريع اوي بالذات لا انت ولا مها خلصتو دراستكو

احمد : و انا عارف يا عمو و انا اوعدك ان مفيش حاجة هتعطلنا عن الدراسة و دا بس عشان اتطمن حضرتك ان انا عايز ادخل البيت
من بابة ... دا لو مفيش عند حضرتك مانع , ثاني حاجة بس عشان يكون ضميري
مرتاح
أنا عارف ان أنا كده بقول من غير سابق إنذار , يعني بحطك
قدام الأمر
الواقع , بس أنا بكرر لحضرتك لو حضرتك شايف اننا نأجل
الكلام دا او حضرتك مش موافق عليا اصلا أنا هتقبل الأمر بكل
تحضر...

والد مها : بسم الله ما شاء
الله , و الله يا احمد أنا عمري ما استأمن بنتي مع حد غيرك , و انا موافق يا ابني
طبعا من غير كلام عشان مش هلاقي أحسن منك في اخلاقك و في تربيتك و
بيتك الأصيل, بس أنا عايز اسمع رأي والده مها الاول ووالدتك

الحقيقة مقالوش رأيهم بالكلام , بل
بزغروطة هزت ارجاء العمارة كلها لتعلن موافقتهما , و
تعلن نبأ من أجمل الانباء في حياتي يوم ما تتقرأ فتحتي أنا و حبيبتي ...
مها

و في وسط القاعدة و بعد ما قرأنا الفاتحة وقفت و روحت
قعدت علي الكرسي المجاور لمها و طلعت العلبة القطيفة من جيبي
----
احمد : مها اوعدك اني عمري ما هسيبك , ربنا يخليكي ليا ,
اتفضلي يا اجمل انسانة في الدنيا

مها(ويكاد يغمي عليها من الفرحة و هي
تفتح العلبة) : الله اية دا يا احمد؟ دا ليا أنا؟ ربنا
يخليك ليا دا كتير اوي يا احمد , مرسي اوي يا أحمد

و أخذت مها في البكاء من كتر الفرحة و قالت : أنا بحبك
أوي يا احمد
----
خلاص عملت اللي كان لازم أعملة من زمان
و ماما و حمايا (في القانون الجديد اسمة
حمايا اه^_^) و عمي (اخو والدي الله يرحمة) اتفقو بعدها بيوم
علي ان تكون الخطوبة في قاعة بس تكون خطوبة علي صغير يحضرها
الأهل و الأقرباء من العريس و العروسة بعد أسبوع من قراءة الفتحة

و من يوم قراءة الفتحة و انا و مها بنروح الكلية سوا كل
يوم و كتير أوي بنقعد جنب بعض ف المدرج
و بقيت بكلمها كتير علي الموبايل بجد عشت اجمل ايام حياتي
مع الإنسانة اللي كنت أتكسف أبصلها ... سبحان الله

و طول النهار مش بستريح من تريقة شيماء
عليا و هي بتقولي ايوه يا عم العريس راجع مع الموزة من الجامعة
و مش بتعبرنا خالص ولا كأن ليك اخت غلبانة اسمها شيماء في
البيت مش لاقية اللي يقولها كل سنة و أنتي طيبة

احمد : ربنا يحميكي يا شيماء يا حبيبة قلبي و
عقبالك يا قمر يوم ما نفرح بيكي انتي و اللي منه لله اللي
هياخدك مننا و يجيبلك هدايا و دباديب و تتكبري علينا ,
ههههههههه

و مبقيناش اجمل اتنين زمايل
بقينا أجمل جارين مخطوبين






وبكده خلص اول فصل من حكايتنا




ايه رايكم
الرجوع الى أعلى الصفحة اذهب الى الأسفل
lolla_ana
مشرفة قسم اللغة الانجليزية والموضة


الجنس : انثى
نقاط : 988
تاريخ التسجيل : 30/07/2011


مُساهمةموضوع: رد: قصة اتنين زمايل من المنصوره (5) والاخيره   السبت سبتمبر 10, 2011 1:44 am

حلوه اوى ياامبراطور اووووووووى

انا دمعت والله وانا بقرأها

تسلم الايادى

_____________________________
الرجوع الى أعلى الصفحة اذهب الى الأسفل
محب الرحمن
المشرف العام
المشرف العام


الجنس : ذكر
نقاط : 1232
تاريخ الميلاد : 24/06/1992
تاريخ التسجيل : 28/08/2011
العمر : 26
الموقع ManSouRa

مُساهمةموضوع: رد: قصة اتنين زمايل من المنصوره (5) والاخيره   الأربعاء سبتمبر 14, 2011 5:44 am

لولااااااااا

انتظرينا في الفصل التاني بقى لما يتجوزو

هتبقى جامده
الرجوع الى أعلى الصفحة اذهب الى الأسفل
lolla_ana
مشرفة قسم اللغة الانجليزية والموضة


الجنس : انثى
نقاط : 988
تاريخ التسجيل : 30/07/2011


مُساهمةموضوع: رد: قصة اتنين زمايل من المنصوره (5) والاخيره   الأربعاء سبتمبر 14, 2011 12:23 pm

ان شاء الله فى انتظار كل جديد منك

انتظرنى انت كمان فى قصه جامده موووت

بس اسمع التشجيع اووول


_____________________________
الرجوع الى أعلى الصفحة اذهب الى الأسفل
نورالشمس
 
 
avatar

الجنس : انثى
نقاط : 988
تاريخ الميلاد : 07/06/1992
تاريخ التسجيل : 16/08/2011
العمر : 26
الموقع دكرنس

مُساهمةموضوع: رد: قصة اتنين زمايل من المنصوره (5) والاخيره   الأربعاء سبتمبر 14, 2011 11:08 pm

ههههههههههه
قصه طويله اوى
بس حلوة ننتظر بقى الفصل التانى
اكيد مها هتموت محروقه
ههههههههههههه
بعد كل ده
الرجوع الى أعلى الصفحة اذهب الى الأسفل
محب الرحمن
المشرف العام
المشرف العام


الجنس : ذكر
نقاط : 1232
تاريخ الميلاد : 24/06/1992
تاريخ التسجيل : 28/08/2011
العمر : 26
الموقع ManSouRa

مُساهمةموضوع: رد: قصة اتنين زمايل من المنصوره (5) والاخيره   الخميس سبتمبر 15, 2011 4:57 am

الرجوع الى أعلى الصفحة اذهب الى الأسفل
رماد أنثى
مراقبة عامة
avatar

الجنس : انثى
نقاط : 1348
تاريخ الميلاد : 11/09/1993
تاريخ التسجيل : 07/08/2011
العمر : 25
الموقع الدقهلية


مُساهمةموضوع: رد: قصة اتنين زمايل من المنصوره (5) والاخيره   الأحد سبتمبر 25, 2011 4:16 am

ايه بس الجمال ده كله!!



والله قصة ممتعة بجد وانا فى انتظار الباقى منها



وتسلم الايادى يا محمود
الرجوع الى أعلى الصفحة اذهب الى الأسفل
محب الرحمن
المشرف العام
المشرف العام


الجنس : ذكر
نقاط : 1232
تاريخ الميلاد : 24/06/1992
تاريخ التسجيل : 28/08/2011
العمر : 26
الموقع ManSouRa

مُساهمةموضوع: رد: قصة اتنين زمايل من المنصوره (5) والاخيره   الأحد سبتمبر 25, 2011 4:13 pm

ان شاء الله في القريب

وتسلميلي على مرورك الكريم
الرجوع الى أعلى الصفحة اذهب الى الأسفل
وردة الحب
 
 
avatar

الجنس : انثى
نقاط : 344
تاريخ الميلاد : 27/09/1992
تاريخ التسجيل : 04/09/2011
العمر : 26
الموقع عايشه فى الدنيا دى مفيش غيرها نعمل ايه

مُساهمةموضوع: رد: قصة اتنين زمايل من المنصوره (5) والاخيره   الأحد سبتمبر 25, 2011 4:55 pm

ليه بس يانور عايزه تموتيها والعه حرام عليكى
دى بنوته زى العسل وكمان مش طويله ولاحاجه انا قراتهم كلهم دلوقتى
وبقولك ياامبراطور بجد تسلم ايديك على القصه الجميله دى والله روعه
وفى انتظار الفصل الجاى
الرجوع الى أعلى الصفحة اذهب الى الأسفل
 
قصة اتنين زمايل من المنصوره (5) والاخيره
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الادبية :: هاكونا القصص-
انتقل الى: