admin
الجنس : 
نقاط : 2949
تاريخ الميلاد : 08/02/1987
تاريخ التسجيل : 10/04/2011
العمر : 37
 محافظة الدقهلية
 |  موضوع: خلى حد بقى يمد ايده عليا انا بقول اهوه الثلاثاء أغسطس 16, 2011 2:06 am | |
| مش عايز حد يزعل مني بس دي الحقيقه المرة دى فى تصنيف البنات
مع الاعتذار لكل ست مش موجوده في التصنيف ده
أنا عارف انى هتضرب بس مش مهم اهم حاجه الرجاله تاخد بالها من بلاوى الستات
النهارده سأقر و أعترف بأنى فى صف كل رجل أنانى، جبان، خائن، قليل الأدب، أو عديم الذوق …
ليه؟
لأن كلام و تصرفات الستات تنقط الى ميتنقطش
وعلشان كده، و من باب مساندتى للجنس الخشن،
سأكشف ورق بنات حواء اللى مش هييجى من وراهم خير!
1-البراشوت
نوع من البنات انتشر اليومين دول!
عايزة تخرج و تنبسط و تتفسح و تاكل و تشرب و تعزم صاحباتها … على حساب البيه.
مبدئها: هوا انت مش راجل؟
-------------------------------------------------------------------------------------------
2. البرنسيسة
باربى هانم … لازم تتدلع و تتهنن. ابعدها عن المسؤولية و المشاركة و الكلام اللى يقصر العمر ده.
هاتجرى وراها فى الاول و الآخر و طول العمر … مهما عملت انت مقصر
و مهما قلت كانك لم تقل و مهما قدمت انت لم ترضى الهانم و توقعاتها!
مبدئها: أكيد فى اكتر .. أكيد فى افضل!
-------------------------------------------------------------------------------------------
3. الغامضة
كلامها قليل و نظراتها شاردة … و بس! تتوقع منك فك ألغازها و حل عقدها.
لعبتها المفضلة و مبدئها: حزر فزر … حزر فزر انا زعلانة لية؟
-------------------------------------------------------------------------------------------
4. المتشائمة
فى البداية تحترم واقعيتها و قدرتها على وزن الأمور لكن مع العشرة هايجيلك اكتئاب
و هاتكلم نفسك من السواد الذى يحيطك!
مبدئها: مش هاتنفع … اى حاجة مش هاتنفع!
-------------------------------------------------------------------------------------------
5. البرابند
مسلية و بحبوحة و حبوبة و … صداع! راديو شغال بالطاقة الترابية و حكاياتها و مواضيعها كتيرة و تافهة.
مبدئها: الكمية لا الكيفية quantity not quality
-------------------------------------------------------------------------------------------
6. الوصيفة
الادب سوسو و الطاعة سوسو … لكن ليس لك …
ولائها الأول للملكة و الملكة هنا ممكن تكون الوالدة أو الجارة أو صديقة عمرها … أو اى صديقة و خلاص!
مبدئها : تموت انت و تعيش الملكة!
-------------------------------------------------------------------------------------------
7. ال "بروطه"
هادئة و مريحة .. لا تهش و لا تنش .. لا طموح و لا أحلام و لا حضور و لا حاجة …
خطاف و اتربط فى رجلك و مطلوب منك تمشى و تجرى و تتنفس لك و لها!
مبدئها: شيلنى كبة … حطنى كبة … ايوة أنا كبة!
-------------------------------------------------------------------------------------------
8. الوزة
رمز للحنية و الأمومة و العاطفة المتدفقة … كلما وقعت عينيها عليك صففت شعرك أو عدلت ياقة قميصك
أو مسحت جبينك. تسألك دائما عن اكلك و شربك و نومك و صحتك
الى ان تختنق من ضيق هذا الرحم الصناعى!
مبدئها: انت ابنى اللى ما خلفتهوش!
-------------------------------------------------------------------------------------------
9. اليائسة
فاتها القطر و انت – أو اى رجل – الامل الوحيد! شيل يا معلم و يا ويلك يا سواد ليلك!
انت package عريس مش بنى آدم!
مبدئها: كنت فين يا "منيل"؟!
-------------------------------------------------------------------------------------------
10. النكدية
دموعها حاضرة فى كل مناسبة و العيبة – الضحكة يعنى – ما تترسم على وجهها!
مبدئها: الضحك ممنوع و الزعل مطلوب!
-------------------------------------------------------------------------------------------
11. الزنانة
بدل الفراشة الجميلة تجدها ناموسة لحوحة ورائك حتى تخضع لها و تتركها تمتص دمك!
مبدئها: الزن ينول المنى!
-------------------------------------------------------------------------------------------
12. اللزقة
ايدها فى ايدك و رجلها على رجلك .. كل خطوة و كل مكان نفسها مع نفسك.
واذا حاولت الاختلاء بنفسك و نزلت تشم هوا لوحدك يبقى انت مش بتحبها …
و طبعا النهاية معروفة. و يا سعدك يا هناك لو كانت لزقة و غيورة و شكاكة "طلعة واحدة"!
مبدئها: الزقى لطيرك لا يلوف على غيرك!
-------------------------------------------------------------------------------------------
13. النحات / النجار
امرأة مبدعة … امرأة ذكية …
تريد تشكيلك على مزاجها! تريد اصلاح عيوبك و حل مشاكلك سواء رضيت أم أبيت.
تصنفر جزء و تكسر جزء و لو "باظت" اللعبة ترميها و تجيب غيرها!
مبدئها: جوزك على ما تشكليه!
-------------------------------------------------------------------------------------------
14. المحامية
الحوار معها ممتع و طبعا كل شئ بالاقناع .. ابقى قابلنى لو وصلت لحاجة!
حجتها حاضرة و كلامها مرتب و انت مش هاتعرف تمشى كلامك عليها و لا تاخد منها حق و لا باطل!
مبدئها: باب النقاش و الحوار دائما مفتوح!
-------------------------------------------------------------------------------------------
15. الجنرال
منظمة … حاسمة … واضحة … مطلوب منك الالتزام بالقواعد و الا حق عليها عقابك و انهاء خدمتك.
مبدئها: كلامى واضح!
-------------------------------------------------------------------------------------------
16. النجمة
ساطعة متألقة … محور اهتمام الجميع … و بس!
لو لك اى طلبات اخرى فى شريكة الحياة يا تنسى النجمة يا تنسى الطلبات.
كلامى ليس عن الفنانات و المشاهير .. أنا بحذرك من امرأة انانية لا ترى سوى نفسها.
مبدئها: أنت نجمة (مع الاعتذار لصابون لوكس)
-------------------------------------------------------------------------------------------
17. ذات اليد "المخرومة"
خراب بيوت مستعجل … لا هتعرف تشيل قرشين للزمن و لا هتعرف "تدكن" قرشين من وراها.
مبدئها: احنا هانعيش كام مرة؟
-------------------------------------------------------------------------------------------
18. ذات "الدماغ" الفاضية
جرايد ايه و أخبار مين … ما العالم عمره ما هايتصلح حاله!
مبدئها: أنا مش عايزة صداع
-------------------------------------------------------------------------------------------
19. ذات الرأى المعدوم
لا هتصد و لا هترد وانت هتحس انك متجوز الهوا. مبدئها: زى ماتشوف يا حبيبى!
-------------------------------------------------------------------------------------------
20. ذات الحق المهضوم
كل الناس ظلمتها و ما فى شخص فهمها و العالم كله ضدها و انت عليك عبئ احتوائها بعدما فشل الجميع.
مبدئها: هو انت مش راجلى؟
-------------------------------------------------------------------------------------------
21. أم لمس
حساسة .. حساسة جدا … لا انت مش فاهم …. قابلة للكسر يا استاذ!
مبدئها: انا اتجرحت!
-------------------------------------------------------------------------------------------
22. الجميلة النائمة
نامت فى ثبات عميق لحد ما سعادتك شرفت و اضفت الملح لحياتها الباهتة. ده فخ!!
انت مطلوب منك تتحول الى مصدر السعادة و الترفيه الاول و الاوحد فى حياتها … انسى حياتك انت بقى!
مبدئها: انا on hold الى ان تاتى يا فارس الاحلام!
-------------------------------------------------------------------------------------------
23. سيندريلا
غلبانة … بنت ناس و الزمن بهدلها … كل الناس بيعاملوها معاملة مرات الأب و انت البطل الهمام …
يارب تكون عندك املاك و اطيان تعوضعها عن سنين الشقاء و ما يشبه الخدمة فى البيوت!
مبدئها: ربنا يتوب علينا من الشقاء!
-------------------------------------------------------------------------------------------
24. الساحرة الشريرة
ماكرة مفكرة مدبرة … تكيد كيدا و تصبر صبرا … خطط ايه و احزاب و مناوشات ايه
… شخصية مسلية لكن مؤذية .. النهاردة معاك بكرة هاتبقى عليك … و هاتبيعك هدومك!!
مبدئها: انت معايا ولا عليا … لو مش معايا تبقى عليا؟
| |
|
ليمو
الجنس : 
نقاط : 611
تاريخ الميلاد : 07/01/1991
تاريخ التسجيل : 26/05/2011
العمر : 33
| | موضوع: رد: خلى حد بقى يمد ايده عليا انا بقول اهوه الخميس أغسطس 18, 2011 8:15 am | |
| بصراحة انت الى متشائم ياعمرو شو هااااااااا د كيلة
كل هاد فينا نحنا
طيب انتن يارجال شو تصنيفكن ؟؟
| |
|
captin_hema
المشرف العام
الجنس :
نقاط : 590
تاريخ الميلاد : 09/02/1995
تاريخ التسجيل : 14/04/2011
العمر : 29
محافظة الدقهلية
| | موضوع: رد: خلى حد بقى يمد ايده عليا انا بقول اهوه الخميس أغسطس 18, 2011 8:26 am | |
| ههههههههههههههههههه
هما البنات ايه اصلا غير كده ياليمو
ههههههههههههه
تسلم ياعمرو ومنتظرين جديدك كرجالة هههههههههههه
| |
|
admin
الجنس :
نقاط : 2949
تاريخ الميلاد : 08/02/1987
تاريخ التسجيل : 10/04/2011
العمر : 37
محافظة الدقهلية
| | موضوع: رد: خلى حد بقى يمد ايده عليا انا بقول اهوه الخميس أغسطس 18, 2011 3:30 pm | |
| - اقتباس :
- بصراحة انت الى متشائم ياعمرو شو هااااااااا د كيلة
كل هاد فينا نحنا
طيب انتن يارجال شو تصنيفكن ؟؟
لألألأ ليمو مو تسألى على تصنيفنا
هاد وركم انتم بقى هاتوا انتوا تصنيف الشباب ههههههههههههه
بقالى فتة مابسمعش عن المرأة المفترية
هيا رجعت نفيها ولا ايه ههههههههههه | |
|
محب الرحمن
المشرف العام
الجنس :
نقاط : 1232
تاريخ الميلاد : 24/06/1992
تاريخ التسجيل : 28/08/2011
العمر : 31
ManSouRa
| |
