بالله عليكوا تعالوا نشجع بعض

السلام عليكم ورحمة الله وبركاته

بقالى مدة مكتبتش مواضيع

وحبيت اما اكتب اكتب الموضوع ده

كام مرة قلت لنفسك

ياااااااااااااه انا مستنى بس رمضان عشان افتح صفحة جديدة مع ربنا

وييجى رمضان

وتفتح صفحة جديدة مع ربنا قرآن وتراويح وتهجد وقيام وصيام وصدقات

وللاسف اول ما يخلص رمضان

تقفل الصفحة

بلاش كده

كام واحد مننا يعقد العزم على انه حيختم القران وحيقوم الليل وحيعمل وحيسوى وحيخلى

وللاسف مبيعملش

طب ليه منبداش سوا

ونشجع بعض

نبدا بايه

مش حاقولك قيام ليل

نقول مثلا قراءة القرآن

ومش حاقولك جزء ولا حزب ولا حتى ربع

هى صفحة

ايوه

صفحة واحدة

مش حتاخد منك 5 دقايق قراية بتأنى

فايه رايكو بقى

كل يوم قبل ما تدخل المنتدى تقعد تقرا الصفحة دى

وتدخل تقولنا انك قريتها عشان تشجع الباقى

وياسلام لو قريت اكتر من صفحة يبقى حتشجعنا اكتر واكتر

وياريت نبدا من الاول لعلنا نختمه سوا

وبجد نبقى نعم الصحبة الصالحة

وزى ما عملنا منتدى فى الدنيا

نبقى اخوان على سرر متقابلين فى الفردوس الاعلى باذن الله

ولو الفكرة دى نفعت نبدا نشوف عبادة تانية نطبقها سوا

اسف للاطالة

وجزاكم الله خيرا