حملة مصر بدون مواقع أباحية

السلام عليكم ورحمه الله وبركاته
هو ايه فائدة عدم حجب المواقع الاباحية فى مصر ؟ مش عارف....... صح؟؟؟؟
بتزود الدخل مثلا ؟ ....لأ
بتجيب سياحة ؟....... لأ
بتجيب دولار ؟....... لأ
... بتجيب ضعف جنسى ؟...... اه
بتجيب خراب فى البيوت ؟...... اه
بتجيب وبتشجع على جرائم الاغتصاب ؟ ......اه
الخ الخ الخ الخ .........
طب ساكتين ليه فى مصر عليها ؟ مش عارف
طب سؤال تانى لو مصر حجبت المواقع الاباحية هيبقى خير ولا شر ؟
طب لو خير منعملوش ليه ؟
طب لو شر منمنعوش ليه ؟
وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال
والمواقع الاباحية بلا ريب تقضى عليها جميعاً
حاجة تجنن المجنون ............
الموضوع ده شاغلنى منذ فترة كبيرة ومش عارف ازاى ممكن يتحقق !
يعنى مين يساعد!
مين يضغط على أصحاب القرار فى الموضوع ده !
كلنا شفنا مثلاً دعوات الاضراب اللى ملت الانترنت بمعدل كل شهر اضراب، وفيه منها كان له تأثير ومنها لأ، وبغض النظر عنها انا اللى يهمنى ان الانترنت ده عفريت قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو ايه

دعوة عامة الى حجب المواقع الاباحية بمصر !!!!!!
انا متفائل بنجاح الموضوع ده ليه؟
لانه مش ضد حد خالص (بيتهيألى كده) ومحدش هيقدر يدافع عن عدم الحجب !
( أتمنى لان فيه ناس بجحة بشكل غريب )
لانه سوف يتم اتهامه بتهم اخلاقية ذميمة وهيترمى فى مزبلة التاريخ وهيخاف يدافع حتى لو من جواه مش موافق لسبب او لاخر!
......صح؟؟؟
الامارات طبقت الحجب فى أبريل 2008 --- طيب مصر امتى ؟
فلو قلنا الدش صعب
ازاى هنمنع القنوات الاباحية ؟
طيب الانترنت سهل جداً عن طريق حجب الآى بى ويتم تطبيق ذلك فى معظم الدول العربية مثل الامارات والسعودية وغيره يعنى الفكرة مش جديدة بس ليه مش مطبقة فى مصر مش عارف !
طب انت عارف طيب تريحنى وتقولى ؟
بس عاوزك تتخيل حاجة صغيرة ان شاء الله لما الموضوع ده يتحقق ( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك !
متخيل
باختصار الموضوع جاهز وعاوز زقة صغيرة
منك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!!
بس مش مهم اهو ما لا يُدرك كله لا يُترك كله، ونلحق اللى لسه مشافش ومعرفش ...
وناخد احنا الثواب ان شاء الله

وأخيرا انا عملت حملة عالفيس بوك

واتمنى كلنا نشارك فيها وندعو اصحابنا يشاركوا فيها

وان شاء الله ربنا يجازينا كلنا خير

دا لينك الحملة

https://www.facebook.com/pages/%D8%AD%D9%85%D9%84%D8%A9-%D9%85%D8%B5%D8%B1-%D8%A8%D8%AF%D9%88%D9%86-%D9%85%D9%88%D8%A7%D9%82%D8%B9-%D8%A7%D8%A8%D8%A7%D8%AD%D9%8A%D8%A9/203433316391161?skip_nax_wizard=true

ومن الله التوفيق

الله عليك يا عمرو

فعلا موضوع هام جدا

انا دخلت اللينك وبجد ربنا يجازيك كل خير

جميل جدا
اناكمان دخلت عليه
تسلم ايدك
فكرة جميله

شكرا جدا رماد انتى ونور

اتمنى اشوف مشاركاتكم

وياريت تنشروا الحملة واللى عندى اى تقرير او خبر او تعليق

بخصوص الموضوع دا يارت يضيفة

احنا كلنا محتاجين نقف للموضوع دا

ويارب نقدر نوصل لحل

مش عارفه اقولك ايه بجد ياعمرو على اللى
انت عملته وفكرت فيه ده هو فعلا اهم موضوع ممكن نهتم فيه
اذا مكانش علشان بلدنا فيكون لدينا اللى حسنا الرسول الكريم
اننا نكون غيورين عليه حقيقى جزاك الله كل خير عن كل شاب
وفتاه هتحميهم باللى انت عملته ده
حملة مصر بدون مواقع أباحية 498757733

ربنا يكرمك وردة

بس انا مش عاوز اخد الثواب لواحدى

ياريت كلنا نتشارك فيه وننشره

ونكتب كل اللى احنا عارفينة وبننصح بيه

وان شاء الله ربنا هيجازينا خير كلنا

شكرا وردة بجد اسعدنى مرورك

وانتظروا لانى عندى حملة تانية بس مستنى اشوفكم

هتعملوا ايه معايا فى الحملة دى

» حملة ( سلبياتنا )
» حملة ضد الشواذ جنسيا ( ربنا يعافينا )
» "صورك على فيس بوك...على مواقع إباحية"
» كيفيه تسريع النت بدون برامج(الحل هنا)